Zamenhoffestoj

Ni deziras al vi karaj ĉion bonan okaze de la hieraŭa Zamenhoftago! Ĉi jare okazis 2 ĉeestindaj zamenhoffestoj en nia ĉirkaŭaĵo: en Bratislavo kaj en Vieno. Tamen, pro tio ke multaj el ni nun havas ekzamenojn, nia partopreno tute ne estis multnombra.

La bratislava festo okazis la 12an de decembro (12/12/12) en la pola instituto, do samloke kiel lastjare. Post la oficiala programo oni ankoraŭ iom babilis tie ĉe refreŝiĝo, kaj post fino de la aranĝo oni daŭrigis amuziĝi vespermanĝante en restoracio kaj vizitante la kristnaskan bazaron.

La 15an mem ni (Paulinka kaj Megy) veturis al Vieno por festi la tagon ankoraŭ foje. Laŭ la kutimo de BEJG ni prifajfis la oficialan “plenkreskulan” feston kaj alvenis nur vespere al la junulara parto, kiu okazis en mojosejo Metalab. Eĉ por tiu ni alvenis iom malfrue, do ni bedaŭrinde maltrafis kantadon de la himno. Sed ni ne maltrafis ludadon de tabloludo, kies regulojn ni ĝis la fino ne sukcesis ekkompreni, trinkadon de biero kaj babiladon pri aŭstra kaj slovaka junularaj movadoj, kiu eĉ rezultis en konkretan novan projekton, kiu ebligu al junularaj grupoj en nia regiono informiĝi pri unu la alies aranĝoj kaj espereble do ankaŭ reciproke partopreni ilin. Ni restis longe, kaj veturis hejmen per la tute lasta trajno, kiun ni apenaŭ trafis, eĉ tio nur dank' al zorgemo de Gregor kiu akompanis nin al la kajo.

Ni ege ŝatis tiun ĉi vienan feston, sed necesas diri ke ankaŭ ĝiaj antaŭ- kaj postfesto estis interesaj! Paulinka kaj Megy renkontiĝis unuan fojon post preskaŭ 4 monatoj, do estis multo por rakonti unu al la alia. Antaŭ ol iri al Metalab, ni haltiĝis ĉe kristnaska bazaro kaj trinkis tie iujn burĝajn (jes jes – prospechové štipendium ebligas tion) kristnaskajn trinkaĵojn de kiĉaj tasetoj. Nu, kaj post la longega trajnvojaĝo reen al Bratislavo (kun kripa kunveturanto) ni ankoraŭ veturis de la petrĵalka al la ĉefa stacidomo, kie ni serĉis iujn malfermajn ejojn por manĝi kaj drinki. Ni sukcesis, kaj restis umi ankoraŭ ĝis duono post la 3a. Entute tre adekvata maniero honorigi Zamenhof, laŭ mi!

PS: Pardonu, ni tute forgesis fari fotojn! Sed vi povas rigardi almenaŭ tiun ĉi reklamon bazitan sur la lastjara festo en Metalab.

KKPS

Iom malfrue sed tamen ni raportas pri la KKPS kiu okazis komence de novembro en belega nederlanda urbo Delft. BEJG-aninoj ĉeestis multnombre: Zuzka, Janka, Megy kaj Zena. Estis tro mallonga por okazigi iujn vere indajn klaĉojn (aŭ estis tiel indaj ke ni ne povas tiel publike rakonti :P). Tamen estasnte en Nederlando ni sentis la devon provi iujn tipajn lokajn naturajn produktojn. Ni dankas al Kriĉjo pro la helpo dum pretigado por uzo :) Tamen la efikoj ne estis tiel kiel oni promesis... Almenaŭ neniu BEJG-anino krom Megy sukcesis rimarki ilin. Onidire pro malsperteco :D Pf!

Tamen la cetera aranĝo estis tre agrabla, la etoso mojosis, kaj tiuj kiuj sukcesis ne... ehm... laciĝi jam tro frue, ĝuis ankaŭ diskejon kun rekorde malmulta nombro de partoprenantoj – ĉirkaŭ 4! :D

Do, estis precize tiel longa por ke ni ĉiuj eksopiru resti pli. Sed ni ne povis. Tial ni ĝojatendas la sekvan renkontiĝon – la JES-on, kiu estos la plej mojosa en historio! Kaj Zuzka, Paulinka kaj Megy jam havas specialan interkonsenton pri ĝi :P Sed tio restu sekreto ;)

Adiauxfesto

Antaux pluraj tagoj, la 27an de auxgusto, BEJG renkontigxis la lastan cxisomeran fojon en sia nuna formo. Tio estas cxefe cxar Paulinka tuj post tio translokigxis al Kanado, sed ankaux la aliaj membroj baldaux translokigxos, kvankam al pli proksimaj lokoj - Zuzka kaj Janka al Brno, Megy al Prago kaj Elenka al Vieno. Venontan fojon ni cxiuj renkontigxos dum JES, kaj sen Paulinka ecx pli frue - dum KKPS. Triste, sed almenaux ni havis kialon por mojosa adiauxfesto. Ni volis iumaniere honorigi la bonajn malnovajn tempojn de BEJG, do ni trinkis tekilon en la urbocentro. Poste ni sxajne iris ien mangxi, kaj kelkaj el ni provis poste iri noktumi en Lamacx, sed la tiea diskejo estis tiom alternativa ke gxi ecx estis fermita.

FESTO 2012

Hontinde, en ĉi tiu aranĝo elinter BEJG-anoj partoprenis nur 2 homoj, kaj eĉ tiuj nur parttempe. Nome temas pri Zuzka kaj Paulinka. Feliĉe ĉeestis Manuela, nia konstanta kunkripanto.

Taga programo estis... neekzistanta, nur ŝvebis sur la fenestro kelkaj paperetoj kun ŝajnprogramo. Ekzemple ni partoprenis nenion krom tiramisu preparado kun Manuela.

Nia taga rutineto konsistis el dormado, manĝado (en nia privata subĉiela manĝejo/taga dormejo - vidu foton) kaj ĉefe promenado de unu ejo al la alia esperante je (ajnaj) okazaĵoj.

Pli kerna ol taga estis evidente la vespera programo. Laux nia persona gusto plej bonis la koncerto de Dolchamar, sed eĉ pli ol ĉiuj koncertoj bonis la diskejo de DJ Leo, nia novtrovita animfrato, kiu veturigis nin preskaŭ hejmen, dankon.

Fakte, parolante pri vojaĝoj, nia tiena karavaneto estis la plej bona kiun ni ĝis nun spertis: ĝi konsistis el ni du, Ŝaci kaj Enrico kun kiuj eĉ la tranoktado sur la kajo 2 en la stacidomo de Offenburg estis iusence mojosa. De Offenburg feliĉege savis nin la kavaliro Kriĉjo, nia FEST-a animfrato numero 4. Jen listo de niaj aliaj animfratoj: Meva, Clemens, Andi, Lætitia, ĉiuj francaj kaj 1 nederlanda -ĉjoj.

Kvenĉjo/Makĉjo (ja egalas, en cetera teksto kiel "Makvenĉjo") instruis al ni kiel diri "Vat fer fut" kaj ni instruis al ili kiel skribi ĝin. Se vi estas nia fidela leganto, eble vi memoras certan okazaĵon rilate al Makvenĉjo dum la pasinta JES. Do nun eksperimente pruviĝis ke la regulo „plorigu Zuzkan, ricevu kison de Paulinka“ validas ne nur kun Makvenĉjo, sed pli ĝenerale. Alekĉjo proponis novan kunlaboran projekton de BEJG kaj Muzaiko – talkshow „Aĝa kaj aĉa“, inspiritan de la partoprenantaro de FESTO. Krome okazis spontaneaj tranoktoj en tendejo, sed ili estis senkulpaj – do, se klaĉado ne estas peko. Klaĉis oni multe dum la tuta FESTO, eĉ okazis realviva kunveno de certa sekreta societo. Tamen, vi ne bedaŭru tro se vi maltrafis – la klaĉado kaj cetera amuziĝo daŭrigos eĉ pli intense dum la proksima KKPS.

Tutfine ni diras grandan dankon al la organizantoj: karaj, programo eble ne estis, sed gravas ke ĝi estis preparita kun koro <3! :D :*

Rainbow Gathering

Karaj fratoj kaj fratinoj! Ni (Paulinka, Megy kaj Mateo) havis la bonsxancon cxeesti tiun cxi tre mojosan neesperantan arangxon. Krom ni, BEJG-anoj, cxeestis ankaux kelkaj aliaj esperantistoj, el kiuj ni plej umis kun nia amiko Enrico. Malgraux tio sxajne ne okazis Esperanto workshop dum la gathering, tio estas skandalo! Venontjare ni ne permesos tion, cxar venontjare ni venos por pli longe, pli multnombre kaj sen rompi preskaux cxiujn regulojn de la arangxo kiel cxi foje. Estas multego rakontinda pri niaj tieaj travivajxoj, tiom multe ke ni ecx rezignas pri tio, demandu nin persone aux iru kun ni venontan jaron!

Postkongreso de SES

Nuntempe, post la fino de tiom bonega aranĝo, ni aparte emas plukunveni kaj ĝui la esperantan etoson ankaŭ en nia urbo. Nia nova membro Mateo plivigligas la etoson en BEJG kaj igas ĝin eĉ pli fifama ol ĝi jam estis. Dum la pasintaj tri tagoj la kialo de niaj kunvenoj estis la post-SES-a vizito de Christophe el Francujo en Bratislavo. La origina plano estis renkontiĝi kun li nur marde por mallonga tempo kaj poste iri al zumba, sed iom post iom la zumba malplaniĝis – unuj malsanis, aliaj ne havis monon, aliaj pigris. Ĉiukaze, post urbogvidado tra la plej gravaj vidindaĵoj de nia urbo, ni decidis preni kelkajn botelojn da vino kaj sidi kun ili parke. Unue en Medicka, kie ni konatiĝadis kun neesperantistoj per tio ke ni serĉis helpon kaj ilon por botelmalfermafo, due en Kolarko, kie ni ekkonis multajn hundpromenigantojn kaj iliajn hundojn Cherry, Uŝko (“oreleto”) kaj Bimbo. Bedaŭrinde kelkaj el ni havis curfew do nia festado devis finiĝi en la plej bona momento, sed aliaj restis festi en iu drinkejo ĝis la fazo ke neniu memoras kiel la festo finiĝis. Sur la suba foto vi povas vidi ĉiujn kiuj partoprenis la kunvenojn dum la tri tagoj:

Oni renkontiĝis ankaŭ merkrede kaj ĵaŭde. La merkredaj travivaĵoj estas tute surrealismaj kaj ne rakonteblaj, ĉefe ili konsistis el sidado sur herbejo antaŭ la Nacia Muzeo, kaj eĉ pli surrealisme vespere Ĵenja helpis al Megy kaj Mateo transporti iun fridujon (jes, wtf?). Ĵaŭde oni vizitis ekspozicion pri socialisma realismo en la Nacia Galerejo, oni kuiris manĝaĵon por Food Not Bombs, iris al zumba, kaj finfine ĉeestis filmmontradon en la klubo Intergalaksia Monstro. Nu, kaj la sekvan tagon Christophe jam bedaŭrinde devis forveturi – ni esperas ke li ĝuis la tagojn sammulte kiel ni!

SES 2012

Ĉeestis Janka, Megy, Zuzka, Paulinka, Ĵenja, ... kaj multaj aliaj, tiom multaj ke ni eĉ ne scipovas elnombri ilin ĉiujn, do bonvolu trovi ilin ĉe la ĉeĥoslovaka grupa foto se vi stas scivolemaj:

Malgraŭ tio, ekzistas kelkaj homoj, kiujn ni ŝatus mencii aparte, nome niaj „ontaj novuloj“ – do niaj neesperantistaj amikoj kiuj venis por nur unu tago sperti la etoson pri kiu ili jam tiom aŭdis de ni. Zuzka kaj Ĵenja alportis siajn ekssamklasaninojn Ninka kaj Radka, kaj Janka kaj Megy la siajn – Kika kaj Tereza. Megy ankaŭ alportis sian amikon Mateon, kiu ŝajnigis ĉeesti nur 1-2 tagojn kaj dormi en tendo, sed evidntiĝis ke li restis preskaŭ plentempe kaj dormis en la lito de Paulinka, kiu rezignis pri provoj kundividi kun li kaj okupis anstataŭe la liton de Ĵenja, kiu siavice... nu, vi povas imagi la ĉenon de noktaj okazaĵoj, ĉu ne? Se vi volas scii pri ili pli konkrete, pluraj partoprenantoj povas ĝoje atesti pri ili. (Alivorte, la roommate anarchy estis tro anarĥisma.) Nu, krom kaŭzi litproblemojn, Mateo  ŝajne jam lernis Esperanton per la rekta (aŭ per la henryka?) metodo, ĉar li nun jam najvác parolas. Finfine li forpetveturis kune kun Elenka, kiu ĉeestis bedaŭrinde nur unu tagon, sed dum ĝi ŝi ege ĝojigis nin per sia ĉeesto.

Honoraj mencioj: ni dankas al ĉiuj kiuj provizis al ni manĝaĵojn kaj ... aliajn varojn, ĉefe temas pri Petro, Henryk kaj Tim, sed ni dankas al ĉiu homo kiu eĉ unu foje savis nin de nia memzorganteco. Ekzemple Petro Novuleto, kiu ĉiam sidiĝis apud ni en la manĝejo kaj poste lasis nin finmanĝi sian porcion. Dankon!

Ni drinkadis tutan skalon de tipaj slovakaj alkoholaĵoj: ekde “ĉuĉo” ĝis tatra teo. Sed ni elprovis ankaŭ pli ekzotikajn trinkaĵojn, ekzemple absinton, kiun ni komencis drinki je la 5a posttagmeze (dankon, Petro). Tio rezultis en publikan senvestiĝadon, de kiu ekzistas tre belaj, sed nepublikotaj fotoj. Ni ankaŭ ŝategis vespere danci en la diskejo, kie ĉiunokte ludadis la sama muziko, nur 2 foje DJ Kunar savis nin de la monotoneco. Ah, kaj foje la dancado estis ankaŭ pole dance :) Kelkaj el ni gvidis ekskurson al la naĝejo kaj mojosumis tie en la akvo, la resto de ni sidis dum eterneco sur la herbejo antaŭ la naĝejo, ĉar tio estas eĉ pli mojosa. Kaj ni ekludis la ĉevalludon, evidente. Rilate al klaĉoj, ni multajn kaj kreis mem, kaj eksciis pri aliaj (jes, ankaŭ pri vi!), sed ĉu bedaŭrinde ĉu feliĉe, ni parton de ili tute ne memoras.

Sed ni ne nur diboĉis, ni havis ankaŭ seriozajn okupojn: Ni fieras ke ĉiuj membroj de BEJG partoprenis ankaŭ la ĝeneralan asembleon de SKEJ, kie oni voĉdonis pri ŝanĝo de ĝia regularo. Ĉar SES estas aranĝo ĉefe por lerni esperanton, kelkaj el ni ankaŭ partoprenis kursojn – nome, Janka partoprenis ilin preskaŭ plentempe, kaj Paulinka preskaŭ duontempe. Zuzka kaj Megy estis tre laboremaj kaj sklavumegis en la akceptejo.

Vi povas certe imagi ke post tiom belega kaj eventoplena semajno ni havas ege fortan postkongresan sindromon, do, niaj karaj geamikoj, bonvolu helpi al ni kuraci ĝin – restu en kontakto kun ni aŭ eĉ pli bone venu viziti nin!!! (Sekvu la ekzemplon de Christophe kiu jam vizitis nin, vi povas legi pri tio en la sekva blogero.)

Antaŭkongreso de SES

Ĉar nia kara amiko Pierre alvenis por SES jam iomete pli frue, ni eluzis ĉi tiun okazon por hieraŭ vespere fari etan antaŭkongreson. Ĝi konsistis ĉefe el drinkejumado kaj iometa urbumado, kaj ĉeestis ĝin krom Pierre Zuzka, Paulinka kaj Ĵenja. En la drinkejo ni drinkis, klaĉis (nur Paulinka kaj Pierre babilis pri seriozaj aferoj) kaj ankaŭ sociumis kun neesperantistoj. Dum la posta urbumado ni ankaŭ iom sociumis kun ili. La pinto de la vespero estis vizito de la neobaroka Fontano de Ganymedes: Zuzka kaj Pierre estas kripoj, ĉar ili eĉ ne eniris la fontanon, sed Paulinka kaj Ĵenja malsekigis en ĝi siajn piedetojn. Nome, Ĵenja nur piedetojn kaj la randon de la pantalono, sed Paŭlinka en iu momento enfalis en la akvon tute, kun vestaĵoj kaj ĉio, ajajaj. Poste ni ankoraŭ iomete promenis al Danubo antaŭ ol reveni hejmen. Bona amuziĝo, a toto je len zaciatok, na SES-i to poriadne roztocime, woooohoooo!!! (Zuzka, Megy kaj Pierre iras al Nitra jam morgaŭ, Paulinka kaj Janka postmorgaŭ - sekvu nian blogon por freŝaj SES-aj klaĉoj!) Cetere, ni forgesis hieraŭ fari grupan foton, sed jen anstataŭe almenaŭ kelkaj pli individuaj:

Bejga Ĝejkumado

Hodiaŭ, en 36-grada varmego, post longa tempo denove renkontiĝis BEJG. La speciala okazo de la renkontiĝo estis vizito de nia amiko Jake de Britujo. Dum la pasintaj tagoj zorgis pri Jake alia BEJG-ano, Juĉjo. Juĉjo jam afable montris al Jake Bratislavon lastan dimanĉon, post kio ili kune pasigis kelkajn tagojn en Zvolen. Do ni antaŭvidis ke ni hodiaŭ glate trovos unu la alian. Juĉjo evidentiĝis esti bona gvidanto, ĉar ni ĉiuj (Jake, Zuzka, Janka, Megy kaj Paulinka) je la interkonsentita horo atendis ĉe la Slovaka Nacia Teatro. Tamen, la BEJG-anoj ĉe ĝia historia konstruaĵo, dum Jake ĉe la nova. Nu, ne gravas, post kelkaj sms-oj kaj iom da tempo ĉio tamen solviĝis kaj ni sukcesis renkontiĝi. Ni komencis per tagmanĝo de tipaj slovakaj specialaĵoj, kaj ni daŭrigis la amuziĝon en nia ŝatata parko Medicka, kie ni sidis sur la herbo, trinkis bieron kaj foje uzis la herbejakvigŝprucilon por refreŝiĝi. Kompreneble, dum la tuta tempo okazadis kutima klaĉado.

PS – eta atentigo pri ontaj okazaĵoj:

1. Janka kaj Megy foriras morgaŭ al neesperantista aranĝo, sed tuj post ilia reveno, venontvendrede, ni planas BEJG-renkontiĝon kun dancado kaj ĉio kio apartenas al tio.

2. Eĉ pli grave, jam baldegaŭ atendas nin SES (Somera Esperanto Studado), kiu okazos en Nitra kaj kiun kelkaj el ni kunorganizas kaj kelkaj simple partoprenas. Aliĝu se vi ne ankoraŭ faris, ni antaŭĝojas vidi vin tie!

Raporto (kaj mildaj klaĉetoj) pri IJF

Na BEJG (kaj entute Slovakion) reprezentis en IJF 2012 en Cervia Zuzka, Paulinka, Megy kaj Žeňa. Pri la lasta ni aparte fieras, ĉar temis pri ŝia tut-unua renkontiĝo, kaj ni devas diri, ke ŝi tre bone adaptiĝis kaj ekhavis plurajn diversajn amikojn.

Sed ni komencu dekomence – per la vojaĝo. Interesaj travivaĵoj kemenciĝis jam ĉe la bratislava stacidomo. Atendante ĉiujn karavananojn Megy eksciis ke ŝi forgesis kunporti sian dormsakon
(novaĉetitan speciale por tiu ĉi okazo). Tio rezultis al ŝia maltrafo de trajno, alveno per alia, multe malfruiĝinta trajno, elspezo de 40 EUR por taksio al flughaveno, alveno tien 1 minuton antaŭ fermiĝo de „gate“ kaj tutsemanja strebo kompensi la perditan monon je manĝo. Kromrezulto estis, se ŝi iel burĝiĝis kaj por revojaĝo ŝi mem insistis iri al la flughaveno per taksio, ĉi-foje kontraŭ 55 EUR. Ĉi-okaze ni ŝatus kore danki al Pierre kaj Lorenzo kaj al paĉjo de Megy, kiuj
ŝparis al ni flughavenajn tranoktojn. Dankegon!


Dank‘ al terura malvarmo ekestis ĉiunokte tre interesa kaj kompleksa ludo: kiu dormos kun kiu, kiel kaj kiulite, kune kun reciproka ŝtelado de kovriloj. Jam tradicie Megy memzorgis kaj la restantaj tri slovakinoj kunloĝis kun Manuela, nia proksima animo. Ni devas oficiale pardonpeti, ĉar okazis akcidento unu nokton, nome unu el la ĉambraninoj elŝlosis ŝin por la tuta nokto, do ŝi devis trovi alian dormejon kaj kundormanton. Ankaŭ la du restantaj enloĝantinoj preskaŭ
havis la saman problemon, sed feliĉe post iom da frapado malfermis la pordon duonnuda viro. Dankon al li!


Rilate al „am-uzo“, ĉiu slovakino trovis por si minimume unu italon, duono el ni eĉ na signife pli da ili. Unu tia paro sukcesis inundigi ĉambron per malprofesia uzo de duŝejo. Du el ni naĝis en la maro kaj unu el la du estis devigita grimpi sur la tegmenton por rehavi sian sekiĝinan kaj forblovitan naĝkostumon. Ni multe kartludadis, ĉefe na zugporn, kaj nokte ni ĝuadis promenojn al la plaĝo kaj al „aleo“. Zuzka, la nura kiu nenion forgesis kunporti de hejme, perdis sian jakon ie IJFe (postnoto: ĝi troviĝis poste). Kaj kompreneble, ni ĉiunokte vigligis la diskejon kune kun grupo de amindaj junaj litovinoj.


Estis multaj klaĉoj, sed ĉiu el ni ŝatas gardi sian privatecon. Ne ke iu legas tiun ĉi blogon, sed tamen, por esti certaj. Do por havi tamen iun enhavon, almenaŭ ni skribas du memorindajn citaĵojn:

Megy: „La vino tute ne tiom aĉas kiom oni atendus. Se oni atendas la plejmalbonon.“

Megy: „Domaĝe ke ne ĉeestas Janka.“
Paulinka: „Kial?“

Estis bone en la IJF!

Protestado kaj italumado

Hieraux, la 4an ni finfine post longa tempo reumis kune. La vespero komencigxis cxe Janka, kie ni kripumis iomete pri du sekretaj ajxoj. Unu estas tro sekreta por ion ajn diri pri gxi, kaj la dua estis protesto, sed pri tute sekreta afero :D Tie cxeestis Janka, Megy, Zuzka kaj post tre longa tempo ankaux Elenka, pri kio ni tre gxojas!

Poste ni translokigxis al urbocentro (jam sen Janka, kiu "devis studi"), kie ni en trinkejo konatigxis kun cxarma grupo de italoj, kiuj poste akompanis nin al diskejo. Tute malplena dikejo, do estis iom embarase :D Cxiukaze, ili volas reumi kun la BEJG, do kiu scias... :P

Klaĉoj de JES

Kvar membroj de BEJG partoprenis al JES en Gdansko. Ni dankas al Vit kiu organizis la karavanon kaj estis agrabla akompano por ni kune kun Dan. Sed sufiĉe da sekaĵoj – nun ni rakontu la plej INTERESAJN okazaĵojn de la aranĝo:

Zuzka, Janka kaj Paulinka kune dormis en 3-opa ĉambro (dankon al Martin Sawitzki), sed malgraŭ roomate agreement, kiu malpermesis tion, okazis nur unu nokto kiam en la ĉambro „dormis“ malpli ol kvar homoj. Megy (kiu ne estas burĝulo) dormis en amasloĝejo do devis kontentiĝi en malpli privata loko. Pluraj el ni eĉ esploris kaŝitajn lokojn en (preskaŭ) malplenaj ejoj.

La pinto de la aranĝo estis festo kun Jesuoj, unu el ili eĉ malsupreniris de sia kruco por amuziĝi kun ni.

Iuj el ni dancis sur la drinkejaj tabloj, iuj rompis al si genuojn, kaj iuj maltrafis la silvestran noktomezon pro aliaj "devoj".

Okazis ankaŭ konfuziĝo inter: Kvenĉjo kaj Makĉjo, Zuzka kaj Paŭlinka, kisado kaj plorigado – sed fine ĉiuj estis kontentaj (almenaŭ ni pensas).

Oni unuan fojon vidis la sunon kiam oni estis forirantaj al la stacidomo, kaj oni eĉ ne vidis Lech Walesa (krom janka, kiu meritas laŭdon).

Oni neatendite vidis unu senpantalonan kaj unu tute nudan viron, kaj oni feliĉe ne vidis, sed bone aŭdis homojn fikantajn en la duŝejo.

Bedaŭrinde okazis ankaŭ unu trista travivaĵo: Ni perdis niajn karajn fromaĝojn kaj kolbason. Mevoj detruis nian fridujon (ĝi estis plasta, kaj malantaŭ la fenestro). Ili verŝajne estis agentoj trejnitaj de la organizantoj, por ekhavi manĝaĵojn por la novjara balo...

Do, tiom pri nia JES. Venontfoje kuniru ;)

P.S.: Estis ankaŭ iuj interesaj programeroj.